شكرا للعدرا

انا عايز اقول المعجزه اللي عملتها ماما العدرا معايا وارجو انها تسامحني علي تاخري الشديد في ارسالها. انا مشكلتي دايما كانت في ماده الرياضه و دايما كنت بجيب درجات وحشه فيها و لما دخلت تانيه ثانوي جبت 29 من 50 و اتضايقت جدا بسبب الدرجه ديو لما دخلت تالته ثانوي قررت اكمل علمي رياضه و جعل ماما العدرا شفيعه الماده و كنت بصلي ان العدرا تساعدني فيها و لما قرب امتحان اخر السنه كنت خايف جدا و طلب من ماما العدرا انها تطمني و في احد الايام حلمت ان ماما العدرا اتحركت في الصوره بتاعتها اللي عندنا في البيت فطلبت منها ان تقوم بتقبيلي فاعطتني قبله من فمها الطاهر و عندما استيقظت شعرت اني مطمئن و دخلت الامتحان بدون اي خوف وحليت الامتحان بسهوله خالص و مكنتش بتلخبط في قواعد الاشارات زي مكنت علاطول بتلخبط و جبت 47 في الامتحان و الدرجه عمري ما جبتها بمجهودي. و دخلت هندسه خاصه و في اول ترم سقطت في ماده الرياضه رغم ان شفيع الماده كانت العدرا فحزنت كثيرا لاني شعرت ان ماما العدرا قد تركتني و في مره كنت بقرا كتاب لمعجزات البابا كيرلس فقرات معجزه تحكي ان شاب ندر ان يخبر الجميع بمعجزه البابا كيرلس معه و نسي فسقط في احد السنوات الدراسيه فتذكرت نفسي اني قد نسيت نذري للعدرا بان اخبر عن معجزتها معي. شكرا يا ماما العدرا علي مساعدتك في كل امور حياتي و سامحني علي تاخري في كتابه المعجزه وشكرا للبابا كيرلس و تماف ايريني و مارمينا و الملاك ميخائيل لوقوفهم بجانبي في الثانويه العامه بركه شفاعتهم فلتكن مع جميعنا امين. from †† ارثوذكس ††

puts the internet to work for you. via task 398879